يقال ان كارل ماركس لما مات راح جهنم، لكنه مسابش الزبانية في حالهم ، كل يوم اسئلة " انتوا ازاي راضيين تشتغلوا من غير فلوس؟" " انتوا ازاي راضيين تشتغلوا عمال على بطال من غير اي اجازات؟؟"
انتوا ازاي
انتوا ازاي
لما صدعهم
فهما مسكتوش
راحوا لربنا و قالوله احنا قرفنا منه خلاص
ده عامل لنا دوشة و غلبة كتير
وديه الجنة و اكسب فيه ثواب بس يغور من هنا
ربنا وداه الجنة فعلا
و مر اول اسبوع
تاني اسبوع
تالت اسبوع الزبانية استغربوا فراحوا للملايكة
و سالوهم
انتوا مش زهقانين منه
فردوا و قالولهم لا ده كويس خالص ليه؟
فقال الزباينة : غريبة يعني مش حتشتكوه عند ربنا؟
فردوا الملايكة و قالوا: ربنا ده يبقى مين؟؟؟"
و يا ترى نستدل ايه من القصة دي؟
مين اللي رضخ لكلام الناس و كان امعه بكسرة تحت الالف؟؟ يعني اخرة طيابة الملايكة دي ايه؟ اديهم كفروا
لكن لو كانوا شغلوا الجمجمة كانوا عرفوا يقرروا لنفسهم مهما كان هذا القرار
حرام
مساكين
